عرض مشاركة واحدة
قديم 07-28-2011, 03:30 PM   #1

 
الصورة الرمزية العيون الحزينه

العضوٌﯦﮬﮧ » 59
 التسِجيلٌ » Jul 2011
مشَارَڪاتْي » 423
 نُقآطِيْ » العيون الحزينه غير متواجد حاليا
هذه اقوال لبعض الشعراء العراقيين المغتربين،..

هذه اقوال لبعض الشعراء العراقيين المغتربين، والذين يعتصر قلبهم من ألم الفراق وحلاوة العراق وبالأحرى لجميع العراقيين لأن مثل العراق لايوجد.......كرامة ونخوة وشيمة و...و...و...و...العراقي فلا اكو مْثلها.

اقوال لبعض الشعراء العراقيين المغتربين،.. اقوال لبعض الشعراء العراقيين المغتربين،.. لبعض الشعراء العراقيين المغتربين،.." />

بغداد هالليلة تمنيتج تمريلي
بغداد يا جرح القلب وينج درجعيلي
حنيت لترابج انة والفركة تجويني
والشوك ذكرني بوكت جنتي تحضنيني
تتذكرين يا شدة ورد بلونج سحرتيني
ليش ذبلان الورد وزعلانه يا عيني
بغداد يا شمعه انطفت بالظلمة عفتيني
وضليت تايه انة و منهو ال يدليني ؟؟؟
_______________________________________

غالي الوطن يمة
تفرج يبة
شمارادت اتطول


من اليمن
للبحرين
للصين
للقاهرة لبيروت
للمغرب
للسودان للجزائر
هبت ملايين الملايين
هبت مثل ما هبت الريح
الله يحرسك يا عراق
الله يحرسك يا جريح
يالماشفت راحة بحياتك
من فتحت عينك ولليوم
فتن وحروب مطوقاتك
يابو المآسي اتوكل وكوم
طايح عقل من رادك اتطيح
وانت البحر والشمس والريح
لليوم ما مات الحسين
ولليوم ما مات المسيح

دللول
غالي الوطن يمة
تفرج يبة
شمارادت اتطول

يقولون اغانيكم حزينة
هو احنا يا عمي شبيدينا
من ادم ولليوم واحنا
دم تمطر الدنيا علينا
كل يوم فايض بينا طوفان
كل يوم غركانة السفينة
اتوارثنا من نوح السفينة
وفوك الخناجر نمشي حفاي
وانغني عزة نفس بينا

دللول
غالي الوطن يمة
تفرج يبة
شمارادت اتطول

يا ونة الونيتها
جمر حراك
ونة امفارك شيبه الفراك
شنهو الجنيناه من ذنب يعراك
يقولون تصفى
واكول الله يصفيها
شفنا اللي ماشافه بشر يا زمان
شايف عراقي سلم من خنجر الاحزان؟
اتفرهدنا والله وتوزعنا على البلدان
وذل كم عزيز النفس لاوين تاليها
اعطش وبيتي نهر
اعرى وبلادي ذهب
اشحذ وانا الملك
انداس وانا الغضب
انكاد وانا السبع
اشعندك بعد يا عجب
ياما نزفنا دمى
وياما كتمنا غضب
كل شدة الها فرج
لتموت لا يا شعب

دللول
غالي الوطن يمة
تفرج يبة
شمارادت اتطول

دمعة على وطن العراق
وماعندي غير الدمعة موقف
مانامت عيوني ولا تنام
مادام وطني الغالي ينزف
وماداموا اطفاله ضحايا
قلبي ابحضن زلزال يرجف

دللول
غالي الوطن يمة
تفرج يبة
شمارادت اتطول

هذا العراق الله جمع بيه
رمضان والمندى والقداس
طه ويسوع وعرب واكراد
اديان قوميات اجناس
يابو الحسن ياعلي الكرار
يالحمزة يالكاظم يا عباس
يابو حنيفة يكيلاني
عائلة وحدة ووطن واحد
ونوم الحبايب راس ضم راس
قل اعوذ صلينا لوطننا
من شر كل وسواس خناس

دللول
غالي الوطن يمة
تفرج يبة
شمارادت اتطول

للشاعر كريم العراقي




كلمات البحث

العاب ، برامج ، سيارات ، هاكات ، استايلات





i`i hr,hg gfuq hgauvhx hguvhrddk hglyjvfdkK>>




i`i hr,hg gfuq hgauvhx hguvhrddk hglyjvfdkK>> i`i hr,hg gfuq hgauvhx hguvhrddk hglyjvfdkK>>

العيون الحزينه غير متواجد حالياً  
التوقيع
رد مع اقتباس